Behandlingsreise til utlandet
Dersom du skal klaga på vedtak om behandlingsreise til utlandet, må du klaga til Oslo universitetssjukehus.
Oslo universitetssjukehus organiserer og kvalitetssikrar diagnosespesifikke behandlingstilbod i eit varmt og solrikt klima til personar med definerte kroniske sjukdomar.
Behandlingsreise er eit supplement til behandling i Noreg, men ikkje noko ein automatisk har rett på.
Klagesakene gjeld avslag på søknad om behandlingsreise.
Kven kan søkja om behandlingsreise til utlandet?
Dersom du har revmatisk inflammatorisk leddsjukdom, seinskadar etter poliomyelitt, psoriasis eller kronisk lungesjukdom og/eller atopisk eksem (barn og ungdom) kan du søkja behandlingsreise til utlandet.
Skal du klaga på eit vedtak?
Dersom du skal klaga på eit avslag på behandlingsreise til utlandet, må du senda klagen til Seksjon for behandlingsreiser ved Oslo universitetssjukehus innen 3 veker etter at du mottok vedtaket. I klagen må du skriva kva vedtak du klagar på, kva du er ueinig i og kvifor.
Oslo universitetssjukehus går gjennom klagen din og vurderer om vedtaket skal omgjerast eller oppretthaldast. Dersom dei opprettheld vedtaket, sender dei klagesaka til oss for ei ny juridisk vurdering.
Korleis handsamar me klagesaka?
Sakshandsaminga av klager som gjeld behandlingsreiser til utlandet