I fyrste halvår fekk 2484 klagarar svar på saka si

Talet på klagesaker totalt blir redusert for kvar månad sidan vi behandlar fleire saker enn vi tek imot.

* Klagesaker frå Helfo inkluderer ankesaker til Trygderetten.

Vi har mottatt rundt 200 færre klagesaker hittil i år, men det er ei auke på nokre saksområde. Under "Andre klagesaker" har det vore ei auke i saker som gjeld avslag på dispensasjon frå helsekrava i førarkortforskrifta og tildeling av avtalespesialistheimel.

Gjennomsnittleg saksbehandlingstid er på veg ned

Det er framleis lang saksbehandlingstid på nokre av saksområda våre, men resultata syner at vi behandlar dei eldste sakene fyrst og at saksbehandlingstida er på veg ned. Saksbehandlingtida på klagesaker til Statens helsepersonellnemnd har dessverre auka litt på grunn av få ressursar i sekretariatet.

Vi har behandla det høgste antal pasientskadesaker sidan Pasientskadenemnda blei oppretta

I fyrste halvår behandla vi det høgste antal pasientskadesaker sidan Pasientskadenemnda blei oppretta i 2003. Vi mottok 1097 klagesaker frå Norsk pasientskadeerstatning og behandla 1551 saker.

Vi ligg godt an til å klare målet om 12 månaders gjennomsnittleg saksbehandlingstid på pasientskadesaker i løpet av 2023.