Høyring: Endring i trygderefusjonsforskrifta
Helse- og omsorgsdepartementet har sendt forslag om å endre trygderefusjonsforskrifta på høyring.
Endringsforslaget gjeld forskrift 18. juni 1998 nr. 590 om rett til trygderefusjon for legar, spesialistar i klinisk psykologi og fysioterapeutar (trygderefusjonsforskrifta) for å leggje til rette for såkalla introduksjonsavtalar. Formålet med forskriftsendringa er stabilisering i og rekruttering til anna allmennlegearbeid i kommunen og fastlegeordninga.
Nasjonalt klageorgan for helsetenesta støttar Helse- og omsorgsdepartementets forslag om endringar i forskrifta. Vi meiner dette kan bidra til stabilisering i, og rekruttering til, anna allmennlegearbeid i kommunen og fastlegeordninga.
Her kan du lese heile høyringssvaret vårt
Bakgrunnen for høyringa
Helse- og omsorgsdepartementet la 11. mai 2020 fram Handlingsplan for allmennlegetjenesten Attraktiv, kvalitetssikker og teambasert. Planen skal bidra til å realisere ei berekraftig og framtidsretta allmennlegeteneste. Den inneheld 17 tiltak fordelt på tre målområde:
- ein attraktiv og trygg karriereveg
- god kvalitet til alle
- ei framtid med teambaserte allmennlegetenester.
Eit av tiltaka til regjeringa er å innføre introduksjonsavtalar. Introduksjonsavtalar er avtalar som gir legar under spesialisering i allmennmedisin rett til trygderefusjon under visse vilkår, når dei jobbar på andre fastlegar sine lister sjølv om fastlegen som har ansvar for lista/listene er til stade på legekontoret samtidig. Dagens regelverk opnar ikkje for dette.