Nye medlem oppnemnt til Statens helsepersonellnemnd og Apotekklagenemnda
Helse- og omsorgsdepartementet har oppnemnt nye medlem til Statens helsepersonellnemnd og Apotekklagenemnda. Funksjonsperioden til nemndene er frå 15. august 2022 til 15. august 2025.
Statens helsepersonellnemnd og Apotekklagenemnda er uavhengige nemnder med juridisk og helsefagleg kompetanse. Eitt av medlemane er brukarrepresentant. Det er Helse- og omsorgsdepartementet som oppnemner nemndmedlemane.
Vi i Nasjonalt klageorgan for helsetenesta er sekretariatet til nemndene. Det betyr at vi mottek, utgreier og førebur sakene for nemndbehandling.
Kva saker behandlar nemndene?
Statens helsepersonellnemnd
Statens helsepersonellnemnd behandlar klager på vedtak frå Statens helsetilsyn og Helsedirektoratet.
Klagesakene frå Statens helsetilsyn gjeld administrative reaksjonar mot helsepersonell. Klagesakene frå Helsedirektoratet gjeld autorisasjon og lisens til helsepersonell og spesialistgodkjenning.
Apotekklagenemnda
Statens helsepersonellnemnd er også klageorgan for enkelte vedtak gjort av Statens legemiddelverk etter apoteklova. I slike saker blir to av nemndas medlemar med helsefagleg kompetanse bytt ut med to som har farmasøytisk kompetanse, og nemnda kallast då Apotekklagenemnda.
Apotekklagenemnda behandlar klager på vedtak som gjeld advarsel til apotekkonsesjonær/apotekar, drift av filialapotek og konsesjon til drift av apotek.
Medlemar i Statens helsepersonellnemnd frå 15. august
Faste medlem
- leiar: tingrettsdommer Berit Sangolt, Bergen
- nestleiar: lagdommer Halvor Aas, Holmsbu
- jurist: advokat Paal-Henrich Berle, Bergen
- lege: Knut-Arne Wensaas, Bergen
- psykolog: Anne-Kari Torgalsbøen, Oslo
- sjukepleiar: Åshild Gjellestad, Bergen
- brukarrepresentant: Arnfinn Aarnes, Funksjonshemmedes fellesorganisasjon, Oslo
Varamedlem
- leiar: lagdommer Halvor Aas, Holmsbu
- nestleiar: tingrettsdommer Ketil Aune Sondresen, Tønsberg
- jurist: advokat Elise Stilloff, Eiksmarka
- lege: Arne Skogholt, Sør-Odal
- psykolog: Odin Hjemdal, Trondheim
- sjukepleiar: Fred-Ivan Kvam, Bergen
- brukarrepresentant: Haakon Steen, Funksjonshemmedes fellesorganisasjon, Kristiansand
- brukarrepresentant: Wenche Røkenes, Norsk forening for Tuberøs Sklerose Kompleks, Bjordal
Medlem i Apotekklagenemnda frå 15. august
Faste medlem
- provisorfarmasøyt Tonje Krogstad, Nesoddtangen
- apotekar Øyvind Haagensen, Kvaløya
Varamedlem
- apotekar Tor Erik Torbergsen, Harstad
- apotekar Stein Lorentzen-Lund, Oslo